ئه‌مه‌ریكا هه‌ڕه‌شه‌ له‌ ئێران و سوریا ده‌كات
PM:12:48---09-09-2018
ئه‌م بابه‌ته 1464 جار خوێنراوه‌ته‌وه‌‌
لڤین:
نوێنه‌ری ئه‌مه‌ریكا له‌ نه‌ته‌وه‌یه‌كگرتووه‌كان، نیكی هایلی رایگه‌یاند، "وڵاته‌كه‌ی وه‌ڵامی توندی سووریا ده‌داته‌وه‌ ئه‌گه‌ر چه‌كی كیمیایی به‌كار بهێنێت".

ئه‌نجوومه‌نی ئاسایشی نێوده‌وڵه‌تی سه‌باره‌ت به‌ ره‌وشی سووریا كۆبوونه‌وه‌یه‌كی تایبه‌تی ئه‌نجامدا.

له‌ كۆبوونه‌وه‌كه‌دا هایلی، رایگه‌یاند، "په‌یامێكمان هه‌یه‌ بۆ به‌شار ئه‌سه‌دی سه‌رۆكی سووریا و هه‌موو ئه‌وانه‌ی ده‌یانه‌وێت چه‌كی كیمیایی به‌كاربهێنن".

وتیشی"له‌ ماوه‌ی 18 مانگی رابردوودا دووجار له‌م ئه‌نجوومه‌نه‌ وتم وه‌ڵاممان ده‌بێت، ئه‌گه‌ر چه‌كی كیمیایی به‌كاربهێنرێت، هه‌ردووجاره‌كه‌ش به‌ڵێنه‌كه‌مان برده‌ سه‌ر و بۆردومانی سووریامان كرد".

هه‌روه‌ها وتی"ئێستاش به‌ رژێمی ئه‌سه‌د و هاوبه‌شه‌كانی رووسیا و ئێران ده‌ڵێم، بێزه‌حمه‌ت گره‌و له‌سه‌ر وه‌ڵامدانه‌وه‌ی ئه‌مه‌ریكا مه‌كه‌ن، ئه‌مجاره‌".

ئه‌وه‌شی وت"ئه‌گه‌ر ئه‌سه‌د چه‌كی كیمیایی به‌كاربهێنێت، ئه‌وا به‌رپرسیارێتییه‌كه‌ ده‌كه‌وێته‌ ئه‌ستۆی رووسیا".

سوپای سووریا به‌ هاوكاری رووسه‌كان هه‌موو ئاماده‌كارییه‌كی بۆ هێرشی سه‌ر ئیدلب ته‌واوكردووه‌.

شاری ئیدلب بووه‌ته‌ دواین په‌ناگه‌ی چه‌كداره‌ به‌رهه‌ڵستكاره‌كان و هه‌موو ئه‌و گرووپ و میلیشیا توندڕه‌وانه‌ی دژی سووریان.

توركیا به‌ پشتیوانی سه‌ره‌كی میلیشیاكانی سووریا هه‌ژمار ده‌كرێت.

سه‌رۆكی رووسیا و توركیا و ئێران، ئه‌مڕۆ له‌ تاران پرسی ئیدلب و هێرشی سه‌ربازی بۆ سه‌ر ئه‌و شاره‌ یه‌كلا ده‌كه‌نه‌وه‌.

سه‌رچاوه‌: رووسیالیه‌وم




میسر:لە تەقینەوەیەکدا شەش کەس بونە قوربانی
سەرکردەی گشتی هەسەدە:داوامان کردوە بەشێکی ‌هێزەکانی هاوپەیمانان دوای کشانەوەی ئەمریکا بمێننەوە
بیناڵی یەڵدرم دەستی لە پۆستەکەی کێشایەوە
ترەمپ:ڕاپۆرتەکانی دەزگای هەوڵگریم بۆ گرنگ نیە،من متمانە بەسەرۆک پۆتین دەکەم
پوتن: پێویسته‌ ئه‌مه‌ریكا له‌ سوریا بچێته‌ ده‌ره‌وه‌
ترەمپ داوایەك لە وڵاتانی ئەوڕوپا دەكات
فەرماندەی هێزەکانی ئەمریکا:دوای کشانەوەمان لە سوریا پێویستە پستیوانیەکانمان بۆ شەڕڤانان بەردەوام بێ
لەسوچی سەرۆکانی ڕوسیا ،تورکیا و ئێران تاوتوێی دۆخی سوریا دەکەن
تورکیا:ژمارەیەک کورد بەتۆمەتی یادکردنەوەی دەستگیرکردنی ئۆجەلان دەستگیرکران
ناتانیاهۆ:ئێران هەڵە بەرامبەر ئیسرائیل بکات ئەمە دواین یادکردنەوەی شۆڕشەکەیان دەبێ

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە