مۆسكۆ هۆشداری ده‌داته‌ ئه‌مه‌ریكا و هاوپه‌یمانه‌كانی
AM:11:28---13-09-2018
ئه‌م بابه‌ته 892 جار خوێنراوه‌ته‌وه‌‌
لڤین:
حكومه‌تی رووسیا هۆشداری دایه‌ ئه‌مه‌ریكا و هاوپه‌یمانه‌كانی، له‌ ئه‌نجامدانی هه‌ر ره‌فتارێكی هه‌ڵه‌ی نوێ له‌ سووریا.

وته‌بێژی وه‌زاره‌تی ده‌ره‌وه‌ی رووسیا، ماریا زاخارۆڤا، له‌ به‌یاننامه‌یه‌كدا رایگه‌یاند،‌ حكومه‌تی سووریا، رووبه‌ڕووی هه‌ڕه‌شه‌ی زۆر بووه‌ته‌وه‌، به‌ بیانووی ئه‌وه‌ی پلانی داناوه‌ چه‌كی كیمیایی له‌ ئیدلب به‌كاربهێنێت.

وتیشی"ئه‌و بیانو و هه‌ڕه‌شانه‌ له‌ كاتێكدایه‌، ئه‌میندارێتی ته‌كنیكی رێكخراوی قه‌ده‌غه‌ی چه‌كی كیمیایی دووپاتیكردووه‌ته‌وه‌، كه‌ كۆگای چه‌كی كیمیایی سووریا به‌ ته‌واوی له‌ناوبراوه‌".

روونیشیكرده‌وه‌، نوێنه‌ری رووسیا له‌ نه‌ته‌وه‌یه‌كگرتووه‌كان، ڤاسیلی نیبینزیا، داوای له‌ ئه‌مه‌ریكا كردووه‌، ئه‌و شوێنانه‌ی گومانی هه‌یه‌ چه‌كی كیمیاییان لێیه‌ با ناویان بداته‌ رێكخراوی قه‌ده‌غه‌ی چه‌كی كیمیایی و ئه‌وان چاودێری ئه‌و شوێنانه‌ بكه‌ن.

هه‌روه‌ها وتیشی"رێكخراوی قه‌ده‌غه‌كردنی چه‌كی كیمیایی تا ئێستا هیچ زانیاری و داواكارییه‌كی له‌و باره‌یه‌وه‌ به‌ده‌ست نه‌گه‌یشتووه‌".

ئه‌مه‌ریكا و فه‌ره‌نسا و به‌ریتانیا هه‌ڕه‌شه‌ی ئه‌وه‌ ده‌كه‌ن، ئه‌گه‌ر چه‌كی كیمیایی به‌كاربهێنرێت له‌ شه‌ڕی ئیدلب، راسته‌وخۆ گورزی سه‌ربازی ده‌سره‌وێننه‌ سوپای سووریا و دیمه‌شق.

رووسیا و ئێران و سووریا ده‌یانه‌وێت به‌ هه‌ر نرخێك بووه‌، كۆتایی به‌ ده‌سه‌ڵاتی میلیشیا به‌رهه‌ڵستكاره‌كان له‌ ئیدلب بهێنن.

توركیا نه‌یاری هێرشی سوپای سووریایه‌ و داوای كردووه‌، وڵاتانی رۆژئاوا به‌ هاوبه‌شی توركیا هه‌موو هه‌وڵه‌كانیان بخه‌نه‌گه‌ڕ بۆ رێگرتن له‌ شه‌ڕی ئیدلب.

سه‌رچاوه‌: روسیاالیوم



ئەمریکا دوای کشانەوەی ٤٠٠ سەرباز لە سوریا دەهێڵێتەوە
پۆتین:ئەمریکا دەکەینە ئامانج ئەگەر چەکی ناوەکەی لەسنورەکانی ڕوسیا جێگیر بکات
میسر:لە تەقینەوەیەکدا شەش کەس بونە قوربانی
سەرکردەی گشتی هەسەدە:داوامان کردوە بەشێکی ‌هێزەکانی هاوپەیمانان دوای کشانەوەی ئەمریکا بمێننەوە
بیناڵی یەڵدرم دەستی لە پۆستەکەی کێشایەوە
ترەمپ:ڕاپۆرتەکانی دەزگای هەوڵگریم بۆ گرنگ نیە،من متمانە بەسەرۆک پۆتین دەکەم
پوتن: پێویسته‌ ئه‌مه‌ریكا له‌ سوریا بچێته‌ ده‌ره‌وه‌
ترەمپ داوایەك لە وڵاتانی ئەوڕوپا دەكات
فەرماندەی هێزەکانی ئەمریکا:دوای کشانەوەمان لە سوریا پێویستە پستیوانیەکانمان بۆ شەڕڤانان بەردەوام بێ
لەسوچی سەرۆکانی ڕوسیا ،تورکیا و ئێران تاوتوێی دۆخی سوریا دەکەن

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە