واشنتن: مۆسكۆ و تاران و دیمه‌شق چاره‌سه‌ری سیاسییان ناوێت
AM:11:38---13-09-2018
ئه‌م بابه‌ته 474 جار خوێنراوه‌ته‌وه‌‌
لڤین:
نوێنه‌ری هه‌میشه‌یی ئه‌مه‌ریكا له‌ نه‌ته‌وه‌یه‌كگرتووه‌كان، نیكی هایلی، رایگه‌یاند، رووسیا و ئێران و سووریا نایانه‌وێت قه‌یرانی سووریا به‌ رێگه‌ی سیاسی چاره‌سه‌ر بكرێت.

له‌ میانی وته‌یه‌كدا، كه‌ له‌ كۆبوونه‌وه‌ی به‌ په‌له‌ی ئه‌نجوومه‌نی ئاسایشی نێوده‌وڵه‌تی سه‌باره‌ت به‌ سووریا پێشكه‌شیكرد، هایلی گوتی: "زۆر قسه‌مان بیست، به‌ڵام كردارمان نه‌بینی، كه‌ پیشانی بدات ئه‌و سێ وڵاته‌ چاره‌سه‌ری سیاسییان بوێت. ئه‌وه‌ی ده‌یبینین ره‌فتاری ترسنۆكه‌كانه‌ و ته‌نیا بایه‌خ به‌وه‌ ده‌ده‌ن به‌ رێگه‌یه‌كی خوێناوی هێرش بكه‌نه‌ سه‌ر ئیدلب".

نیكی هایلی ئه‌وه‌شی وت"رێڕه‌وی دانووستانه‌كانی ئه‌ستانه‌ شكستی هێنا، چونكه‌ نه‌یتوانی ئاگربه‌ست رابگه‌یه‌نێت و چاره‌سه‌ری سیاسی بۆ قه‌یرانه‌كه‌ بخاته‌ڕوو".

نوێنه‌ری ئه‌مه‌ریكا له‌ نه‌ته‌وه‌یه‌كگرتووه‌كان دووپاتیشیكرده‌وه‌، "ئه‌مه‌ریكا به‌ هه‌موو شێوه‌یه‌ك دژی هه‌ر ئاڵۆزكردنێكی ره‌وشی ئیدلبه‌".

رۆژی 7ی ئه‌یلوول/ سێپتێمبه‌ر، سه‌رۆكی هه‌ریه‌ك له‌ رووسیا و ئێران و توركیا له‌ تاران كۆبوونه‌وه‌ بۆ تاوتوێكردنی پرسی ئیدلب.

ئێران و رووسیا لایه‌نگری له‌ هێرشی سه‌ربازی سوپای سووریا بۆ سه‌ر شاره‌كه‌ ده‌كه‌ن.

توركیا پێداگیری له‌ راگه‌یاندنی ئاگربه‌ست و ئه‌نجام نه‌دانی هێرشی سه‌ربازی بۆ سه‌ر شاره‌كه‌ ده‌كات.

ئیدلب له‌ لایه‌ن گرووپ و میلیشیا توندڕه‌وه‌كان و به‌رهه‌ڵستكارانی سووریاوه‌ به‌ڕێوه‌ده‌برێت.

زیاتر له‌ سه‌دا حه‌فتای ئیدلب، له‌ ژێر كۆنترۆڵی به‌ره‌ی نووسره‌دایه‌، كه‌ به‌ ره‌سمی خۆی وه‌ك باڵی سووریای رێكخراوی قاعیده‌ ناساندووه‌.



میسر:لە تەقینەوەیەکدا شەش کەس بونە قوربانی
سەرکردەی گشتی هەسەدە:داوامان کردوە بەشێکی ‌هێزەکانی هاوپەیمانان دوای کشانەوەی ئەمریکا بمێننەوە
بیناڵی یەڵدرم دەستی لە پۆستەکەی کێشایەوە
ترەمپ:ڕاپۆرتەکانی دەزگای هەوڵگریم بۆ گرنگ نیە،من متمانە بەسەرۆک پۆتین دەکەم
پوتن: پێویسته‌ ئه‌مه‌ریكا له‌ سوریا بچێته‌ ده‌ره‌وه‌
ترەمپ داوایەك لە وڵاتانی ئەوڕوپا دەكات
فەرماندەی هێزەکانی ئەمریکا:دوای کشانەوەمان لە سوریا پێویستە پستیوانیەکانمان بۆ شەڕڤانان بەردەوام بێ
لەسوچی سەرۆکانی ڕوسیا ،تورکیا و ئێران تاوتوێی دۆخی سوریا دەکەن
تورکیا:ژمارەیەک کورد بەتۆمەتی یادکردنەوەی دەستگیرکردنی ئۆجەلان دەستگیرکران
ناتانیاهۆ:ئێران هەڵە بەرامبەر ئیسرائیل بکات ئەمە دواین یادکردنەوەی شۆڕشەکەیان دەبێ

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە