ترەمپ هۆشداری دەداتە چین
AM:11:40---13-09-2018
ئه‌م بابه‌ته 804 جار خوێنراوه‌ته‌وه‌‌
لڤین:
بڕیارە ویلایەتە یەکگرتووەکانی ئەمریکا سزای ئابووری بەسەر وڵاتی چیندا بەهۆی چەوساندنەوەی کەمینە مووسوڵمانەکان بسەپێنێت ئەگەر بێتو ئەو وڵاتە بەردەوام بێت لە پێشێلکارییەکان.

بەگوێرەی هەواڵێکی رۆژنامەی نیویۆرک تایمز، ئیدارەی ترەمپ بیر لە سزای ئابووری سەر وڵاتی چین بەهۆی ئەو "کامپە فێرکاریانە" کە بۆ مووسوڵمانانی وڵاتەکە دروستکراون دەکاتەوە ئەگەر بێتو چین ئەو کارەی کە لە ژێر ناوی "بەرەنگاری دژی تووندڕەوی و سەقامگیری کۆمەڵایەتی" ئەنجامیدەدات، رانەگرێت.

مانگی رابردوو نەتەوەیەکگرتووەکان رایگەیاندبوو، نزیکەی یەک ملیۆن لە خەڵکی کەمینەی ئویغر لە چین بەزۆر دەبردرێنە چەندین کامپی جیاواز و لەو کامپانەدا بیرشۆریان بە زەبری ئەشکەنجە بەسەردا دەسەپێندرێت.

ئویغورەکان بەشێکن لە هۆزە پەرتەوازەکانی گەلانی مەنگۆل و بە زۆرینە مووسڵمانی سوننەن، ئێستا نزیکەی 10 ملیۆنیان لە وڵاتی چین دەژین، بەڵام لە رابردوودا، چەندین راپۆرتی جیاواز لەبارەی هەوڵی حکوومەتی چین بۆ گۆڕینی بیری ئیسلامی ئویغورەکان بڵاوکراوەتەوە.

ئەگەرچی پەیوەندی نێوان ئەمەریکا و چین باشنییە و پێشتریش واشنتن سزای ئابووری بەسەر هەندێک لە کاڵانی چیندا سەپاندبوو، بەڵام وەک ئەوەی نیویۆرک تایمز نوسیوویەتی، یەکەمینجارە ترەمپ دەیەوێت سزای چین بەهۆی پێشێلکاری مافەکانی مرۆڤ بدات.

لایخۆیەوە چین ئەو تۆمەتانە رەتدەکاتەوە و بە "ناڕاست" لەقەڵەمیان دەدات.



میسر:لە تەقینەوەیەکدا شەش کەس بونە قوربانی
سەرکردەی گشتی هەسەدە:داوامان کردوە بەشێکی ‌هێزەکانی هاوپەیمانان دوای کشانەوەی ئەمریکا بمێننەوە
بیناڵی یەڵدرم دەستی لە پۆستەکەی کێشایەوە
ترەمپ:ڕاپۆرتەکانی دەزگای هەوڵگریم بۆ گرنگ نیە،من متمانە بەسەرۆک پۆتین دەکەم
پوتن: پێویسته‌ ئه‌مه‌ریكا له‌ سوریا بچێته‌ ده‌ره‌وه‌
ترەمپ داوایەك لە وڵاتانی ئەوڕوپا دەكات
فەرماندەی هێزەکانی ئەمریکا:دوای کشانەوەمان لە سوریا پێویستە پستیوانیەکانمان بۆ شەڕڤانان بەردەوام بێ
لەسوچی سەرۆکانی ڕوسیا ،تورکیا و ئێران تاوتوێی دۆخی سوریا دەکەن
تورکیا:ژمارەیەک کورد بەتۆمەتی یادکردنەوەی دەستگیرکردنی ئۆجەلان دەستگیرکران
ناتانیاهۆ:ئێران هەڵە بەرامبەر ئیسرائیل بکات ئەمە دواین یادکردنەوەی شۆڕشەکەیان دەبێ

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە