هەواڵگری عێراق لیژنەی لێكۆڵینەوە بۆ گیان لەدەستدانی فازل بەرواری پێكدەهێنێت
PM:05:16---14-10-2018
ئه‌م بابه‌ته 2414 جار خوێنراوه‌ته‌وه‌‌
لڤین:
دەزگای هەواڵگری عێراق لیژنەیەك بۆ لێكۆڵینەوە لە گیان لەدەستدانی فازل بەرواری، فەرماندەی تیپی ئاڵتونی سوپای عێراق پێكدەهێنێت و گومان لە گیان لەدەستدانی دەكرێت.

ئێوارەی 20ی ئەیلول فازل بەرواری، فەرماندەی تیپی ئاڵتونی سوپای عێراق لە شاری هەولێر گیانی لەدەستدا، هەرچەندە باس لە هۆكاری گیان لەدەستدانی بەرواری كرا بەهۆی جەڵتەی دڵ، بەڵام تاوەكو ئێستا گیان لەدەستدانی بەرواری بە گوماناوی ماوەتەوە.

پێشتر ژیان بڵاوی كردەوە كە بەهۆی ئەوەی ماوەیەك بوو بەرواری كەوتبووە رەخنەگرتن لە دەسەڵاتدارانی پارتی، بۆیە گومانەكان لەسەر هۆكاری راستەقینەی گیانلەدەستدانی فراوانتر دەبێت.

ژیان لەسەرچاوەیەكی ناو پارتی دیموكراتی كوردستانەوە زانیوویەتی "فازڵ بەرواری بەهۆكارێكی ئاسایی گیانی لەدەست نەداوە و لەلایەن دەزگای پاراستنی پارتییەوە ژەهر خوارد كراوە". 

سەرچاوەكە هۆكاری ژەهر خواردنی بەرواری بۆ ئەوە گەڕاندەوە كە ناوبراو لەم ماوانەی رابردوودا كەوتبووە رەخنەگرتن لە دەسەڵاتدارانی پارتی و ئەمە جگە لەوەی كە فازل بەرواری چەندین نهێنی گرنگی لەبارەی رووداوەكانی 16ی ئۆكتۆبەر پەیوەست بە پەیوەندییە نهێنییەكانی بنەماڵەی بارزانی و سوپا و هێزە چەكدارییەكانی عێراق لەلا بووە هێرشیان بۆسەر كەركوك. 

سەرچاوەیەكی تایبەت لە دەزگای هەواڵگری عێراقی سەبارەت بەهۆكاری مردنی فازل بەرواری بۆ ژیان ووتی " لەماوەكانی رابردوودا چەند ئەفسەرێكی پلە باڵای سوپاو دەزگا ئەمنیەكان لەناكاو گیانیان لەدەستدا، گیان لەدەستدانەكان گوماناوی بوون، بەتایبەت لەدوای دروست بوونی خۆپیشاندانەكانی بەسرەو شارەكانی خواروی عێراق".

ئەو سەرچاوە هەواڵگریە وتیشی، هەواڵگری عێراق بڕیاریداوە كە لیژنە پێكبهێنێت بۆ گیان لەدەستدانی فازل بەرواری، چونكە گومانی زۆر هەیە لەسەر گیان لەدەستدانی بەرواری و لەماوەیەكی نزیكیشدا ئەنجامی لیژنەكە رادەگەیندرێت و راستی گیان لەدەستدانی ئەو بەرپرسە سەربازیە ئاشكرا دەبێت.

پێشتر رۆژنامەی ژیان نامەیەكی نهێنی كەمال كەركوكی، بەرپرسی میحوەری خۆرئاوای كەركوكی ئاشكرا كرد كە رۆژێك بەر لەرووداوەكانی 16ی ئۆكتۆبەر بەشێوەی بورسكەیەكی بەپەلە بۆ مەسعود بارزانی سەرۆكی پارتی ناردبوو و لەنامەكەدا كەمال كەركوكی دەڵێت "لەسەر فەرمانی جەنابتان لەڕێگەی كاك فازل بەرواری راسپێردراوی پارتیمان لەناو لەشكری عێراق، هەماهەنگی تەواومان لەگەڵ حكومەتی بەغداد هەیە و جەنابتان دڵنیا دەكەین لە میحوەری ئێمە بە هیچ جۆرێك تەقە روونادات بەرامبەر سوپا و چەكدارانی عێراقی". 

پێشتر ماڵپەڕی فەرمی پارتی دیموكراتی كوردستان لە رێگەی سەرچاوەی رۆژنامەوانی پارتی یەوە بڵاوی كردەوە كە فازل بەرواری هیچ پەیوەندیەكی بە پارتی دیموكراتی كوردستانەوە نیە و لە ریزەكانی پارتی دەركرا.

ئەوكات بەرواری سەرسوڕمانی خۆی لەو بڕیارەی پارتی دەربڕی و وتی" من لە شەڕی چەكدارانی داعشم و خۆم بە كوڕی پارتی دەزانم".



دەروازەی نێوان شەنگال و ڕۆژئاوای کوردستان داخرا
عەلی حەمە ساڵح :هیچ پاساوێک نەماوە بۆ پاشەکەوتی موچە
شەپۆلێکی دیکەی بەفر و باران ڕو لەهەرێمی کوردستان دەکات
فراکسیۆنی پارتی: هیچ پاساوێک نیە بۆ بۆردومان کردنی خەڵکی سیڤیلی هەرێم
بافڵ تاڵەبانی: لەهیچ کەسیکی قبوڵ ناکەین کادیری یەکێتی دەستگیر بکات
بەهۆی خۆپیشاندانەوە ڕێگای نێوان هەولێر –دهۆک داخرا
تەقینەوەیەک لە کەرکوک ڕویدا
فڕۆکەخانەی سلێمانی ڕونکردنەوەیەکی بڵاوکردەوە
ڕێبوار تاڵەبانی پۆستی پارێزگاری کەرکوک ئیستیحقاقی پارتیە
موچەی فەرمانبەران و پێشمەرگە لەدەرەوەی دۆسیەی نەوت جێگیرکرا

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە