ژماره‌یه‌ك به‌رپرس و ئه‌فسه‌ری كورد به‌تۆمه‌تی بازرگانی كردن له‌گه‌ڵ داعش ده‌ستگیركران
PM:04:18---17-10-2018
ئه‌م بابه‌ته 2799 جار خوێنراوه‌ته‌وه‌‌
لڤین:
ژمارەیەک بەرپرس و ئەفسەری سەربازی لەسەر دۆسیەی بازرگانیکردن لەگەڵ داعش دەستگیرکراون و حکومەتی هەرێمیش ئاشکرایکرد نزیکەی ٣٠ کەس بە تۆمەتی جیاجیا لێکۆڵینەوەیان لەگەڵدا کراوە.

له‌و باره‌یه‌وه‌ سەفین دزەیی وتەبێژی حکومەتی هه‌رێمی كوردستان به‌ ئێن ئارتی ڕاگه‌یاند، نزیکەی ٣٠ کەس بە تۆمەتی جیاجیا دەستگیرکراون و لێکۆڵینەوەیان لەگەڵداکراوە.

ئەوەشی وت، ئەو کەسانە تاوانبار نین، هەر کاتێکیش تۆمەتەکەیان بەسەردا ساغبووەوە رێوشوێنی یاساییان بەرامبەر دەگیرێتەبەر.

ئەو بەرپرس و ئەفسەرانە لە هەولێر دەستبەسەر کراون و هەندێکیان بە تۆمەتی بازرگانی لەگەڵ داعش و ژمارەیەکیان بە تۆمەتی بازرگانی مادەی هۆشبەر لێکۆڵینەوەیان لەگەڵدا کراوە و پارەشیان پێگیراوە.

ئەوەش لە کاتێکدایە، لە گەرمەی شەڕی داعشدا ژمارەیەک لە لێپرسراوانی ئەمنی ، تۆمەتبارکران بەوەی کە لەگەڵ ڕێکخراوی داعش بازرگانی سوتەمەنیان کردووە و لە ناوچەکانی ژێر دەسەڵاتی داعشەوە سوتەمەنی دەگوێزنەوە یاخود کارئاسانیان کردووە بۆ تێپەڕبوونی سوتەمەنی لە ناوچەکانی ژێر دەستی داعشەوە بۆ ناوچەکانی ژێر دەستی هێزەکانی پێشمەرگە و هەرێمی کوردستان و ساغکردنەوەی.

کەیسی بازرگانی لەگەڵ داعش ماوەیەک دەزگای داواکاری گشتی هەرێمی کوردستان کاری لەسەر کرد، بەڵام دواتر وازیلێهێنرا بەو پێیەی دۆسییەکان ساغنەکرانەوە.



خاوه‌ن خانو و شوقه‌كانی وه‌رین سیتی داوایەک ئاڕاستەی حکومەت دەکەن
کەش و هەوای سبەینێ بەم شێوەیە دەبێت
جەلال جەوهەر: گۆران فاكتەری چارەسەر دەبێت
هۆشیار عه‌بدوڵا: عەبادی بەشێك لەموچەی فەرمانبەرانی هەرێمی بۆ بەدەستهێنانەوەی ویلایەتی دووەم خەرج كرد
مامۆستایەكی زانكۆی سۆران لە نێجیریا كوژرا
دامەزرێنەرێکی نەوەی نوێ: نەوەی نوێ‌ بە تەواوی بووە بە دوو باڵ، باڵی شاسوار‌و باڵی رابون
سەركردەیەكی پارتی: ئێمە‌و كۆمەڵ هیچ خاڵێكی هاوبەشمان نەبوە
ئیلام: رۆژنامەنوسێكی كورد زیندانی دەكرێت
په‌رله‌مانی ئه‌وروپا سزای تۆڕه‌ كۆمه‌ڵایه‌تییه‌كان ده‌دات
لە چەند پەیجێکی فەیس بووک و ژمارەیەک سایتەوە هێرش بۆ سەر پەرلەمانتارەکانی نەوەی نوێ دەستی پێکرد

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە