تره‌مپ ‌هێرش دەکاتە سەر په‌یامنێرێكی سی ئێن ئێن
PM:12:02---08-11-2018
ئه‌م بابه‌ته 833 جار خوێنراوه‌ته‌وه‌‌
لڤین:
دۆناڵد تره‌مپ، سه‌رۆكی ویلایه‌ته‌ یه‌كگرتووه‌كانی ئه‌مه‌ریكا، له‌ كۆنگره‌یه‌كی رۆژنامه‌وانیدا، به‌ په‌یامنێرێكی ته‌له‌ڤزیۆنی سێ ئێن ئێن به ‌ناوی (جیم ئه‌كۆستا) ده‌ڵێت بێڕه‌وشت و بواری پرسیاری پێنادات.

به‌ گوێره‌ی ئه‌و گرته‌ ڤیدیۆییه‌كه‌ی كه‌ وێبسایتی سی ئێن ئێن بڵاویكردووه‌ته‌وه‌، ده‌رده‌كه‌وێت، په‌یامنێره‌كه‌ له‌ ریزی پێشه‌وه‌ دانیشتووه‌ و مایكی به‌ده‌سته‌ ده‌یه‌وێت پرسیار بكات، به‌ڵام تره‌مپ بواری پرسیاری نادات.

له‌ سه‌ره‌تای قسه‌كانیدا په‌یامنێره‌كه‌ باسی دوو بابه‌ت ده‌كات، یه‌كێكیان هاتنی په‌نابه‌ره‌ مه‌كسیكییه‌كانه‌ و ئه‌وی دیكه‌ش پرسی له‌ده‌ستدانی زۆرینه‌ی ئه‌نجوومه‌نی نوێنه‌ران له‌ كۆنگرێسی ئه‌مه‌ریكا.

له‌ كاتی پرسیاری یه‌كه‌م، تره‌مپ وه‌ڵامی په‌یامنێره‌كه‌ ده‌داته‌وه‌ و په‌نابه‌ران به‌ داگیركه‌ر وه‌سف ده‌كات، دواتریش ده‌ڵێت: "من ده‌مه‌وێت ئه‌وان بێن به‌ شێوه‌یه‌كی یاسایی و پرۆسه‌ی رێكوپێكه‌وه‌ بێن".

دواجار تره‌مپ له‌ په‌یامنێره‌كه‌ په‌ست ده‌بێت و پێی ده‌ڵێت"لێگه‌ڕێ من وڵاته‌كه‌ به‌ڕێوه‌ ده‌به‌م و تۆش سێ ئێن ئێن به‌ڕێوه‌ببه‌"، دواتر په‌یامنێره‌كه‌ ده‌یه‌وێت پرسیاری دیكه‌ بكات، به‌ڵام تره‌مپ ده‌ڵێت ئه‌وه‌نده‌ به‌سه‌ و ده‌ڵێت"شه‌رمه‌ بۆ سی ئێن ئێن تۆ له‌وێ كار بكه‌ی، تۆ كه‌سێكی بێڕه‌وشتی و نابێت له‌ سی ئێن ئێن بی".

دوای ئه‌وه‌ په‌یامنێرێكی دیكه‌ به‌رگری له‌ په‌یامنێره‌كه‌ی سی ئێ ئێن ده‌كات، به‌ڵام تره‌مپ وه‌ڵامی ئه‌ویش ده‌داته‌وه‌ و ده‌ڵێت: "تۆش له‌و باشتر نی".

دواتر تره‌مپ ده‌گه‌ڕێته‌وه‌ سه‌ر په‌یامنێره‌كه‌ی سێ ئێن ئێن كه‌ هه‌ستاوه‌ته‌وه‌، پێی ده‌ڵێت: "كاتێك تۆ هه‌واڵی درۆ و راپۆرتی هه‌ڵبه‌ستراو بڵاوده‌كه‌یته‌وه‌، كه‌ سی ئێن ئێنیش زۆر جار وا ده‌كات، دژایه‌تی گه‌ل ده‌كه‌ن و ده‌بنه‌ دوژمن".






بڕیارێکی ئه‌مه‌ریكا وڵاتی توركیا نیگه‌ران ده‌كات‌
ئێران بە گەرووی هورمز ئەمەریکا دەترسێنێت
ئێران: هیچ كاتێك فرۆشتنی نه‌وتی ئێران له‌ ملیۆنێك به‌رمیل كه‌متر نابێته‌وه‌
فڕۆکە جەنگییەکانی ئیسرائیل چەند ناوچەیەکی سوریا بۆردومان دەکەن
نه‌مانی داعش له‌ڕووی جوگرافییه‌وه‌ ره‌ت ده‌كرێته‌وه‌
راپۆرتێكی ئه‌مه‌ریكی: مه‌ترسییه‌كانی داعش كۆتاییان نه‌هاتووه‌
دوو وڵاتی كه‌نداو له‌ بری ئێران قه‌ره‌بووی نه‌وتی بازاڕه‌كانی جیهان ده‌كه‌نه‌وه‌
سریلانکا هۆکاری هێرشە تیرۆرستییە خوێناوییەکانی ئاشکرا کرد
داعش بەرپرسارێتی هێرشە تیرۆرستییەکانی سریلانکای گرتە ئەستۆ
گه‌وره‌ترین فڕۆكه‌ له‌ جیهاندا به‌ سه‌ركه‌وتوویی تاقیكرایه‌وه‌

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە