لەسەر كێشەی زانكۆكانی ناوچە جێناكۆكەكان ڕونكردنەوە دەدرێت
PM:04:03---08-11-2018
ئه‌م بابه‌ته 603 جار خوێنراوه‌ته‌وه‌‌
لڤین:
وەزارەتی خوێندنی باڵاو توێژینەوەی زانستی ڕایدەگەیەنێت: چارەسەركردنی كێشەی زانكۆكانی ناوچە جێناكۆكەكان، بەستراوەتەوە بە كواڵێتی و مەرج و ڕێنماییەكانی وەرگرتن لەم زانكۆیانە.

وەزارەتی خوێندنی باڵاو توێژینەوەی زانستی لە ڕاگەیەندراوێكدا كەوێنەیەكی دەست لڤین كەوتوە، ڕایگەیاند: دوای ئەوەی هەردوو وەزارەتی خوێندنی باڵا و توێژینەوەی زانستی هەرێم و ناوەند یاداشتنامەی لێكگەیشتنیان لەبارەی چارەسەركردنی كێشەكانی نێوان هەردوولا ئیمزاكرد، ‌ یاداشتەكە چەندین تەوەری گرنگی لەخۆگرتوه, كە تایبەتن‌ بە بوارەكانی (ئەكادیمی و زانستی، توێژینەوە و مەشقكردن، ڕۆشنبیری و پەرەپێدان), دوای ئیمزاكردنی یاداشتەكەش پێویستە هەردوو وەزارەت لە كابینەی نوێی حكومەتی هەرێمی كوردستان و كابینەی تازەی حكومەتی عێراقی میكانیزم بۆ جێبەجێكردنی یاداشتنامەكە دابڕێژن بۆ پابەندبون و داڕشتنی نەخشەڕێگەی جێبەجێكردنی سەرجەم برگەو مادەكان.

سەبارەت بەخاڵێكی نێو یاداشتەكە كە تایبەتە بە چارەسەركردنی كێشەی كۆلێژە زانكۆییەكانی ناوچە جێناكۆكەكانی دەرەوەی ئیدارەی هەرێمی كوردستان، وەزارەتی خوێندنی باڵا و توێژینەوەی زانستی هەرێمی كوردستان ڕایدەگەیەنێت: دوای ئیمزاكردنی یاداشتەكە مانای ئەوە نیە بەبێ بونی مەرجی زانستی و كواڵێتی وەزارەتەكەمان متمانە بەو زانكۆیانە ببەخشێت، بەڵكو كێشەی ئەم زانكۆیانە پەیوەندیدارە بە ئاست و كواڵێتی خوێندن و پابەندبون بە مەرج و ڕێنماییە یاساییەكانی خوێندنی تایبەت كە لەگەڵ ستانداردەكانی خوێندن بگونجێت.

ئەوەش خراوەتەڕوو: لە هەمانكاتیشدا لە یاداشتەكەدا هەمان ئەو مەرج و ڕێنماییانەی كە پێشتر جەختمان لەسەری كردۆتەوە بۆ ئەم زانكۆیانە باسكراون, بۆیە كێشەی ئەو زانكۆیانە بەستراوەتەوە بە هەبوونی كواڵێتی خوێندن و جێبەجێكردنی مەرج و ڕێنماییەكانی وەرگرتنی خوێندكاران و قوتابیان لەم كۆلێژە زانكۆییانەدا.

لە كۆتایشدا بەپێویستی دەزانین بە دەرچووانی دوانزەی ئامادەیی و سەرجەم ئەو خوازیارانەی مەبەستیانە لەم كۆلێژە زانكۆییانە بخوێنن ڕابگەیەنین، كە بە وردی ئاگاداری هەموو ئەو مەرج و ڕێنماییانەی وەزارەتەكەمان بن, كە دایناوە بۆ وەرگرتن و دەستكردن بە پرۆسەی خوێندن لە زانكۆ و پەیمانگەكاندا.



عەلی حەمە ساڵح :هیچ پاساوێک نەماوە بۆ پاشەکەوتی موچە
شەپۆلێکی دیکەی بەفر و باران ڕو لەهەرێمی کوردستان دەکات
فراکسیۆنی پارتی: هیچ پاساوێک نیە بۆ بۆردومان کردنی خەڵکی سیڤیلی هەرێم
بافڵ تاڵەبانی: لەهیچ کەسیکی قبوڵ ناکەین کادیری یەکێتی دەستگیر بکات
بەهۆی خۆپیشاندانەوە ڕێگای نێوان هەولێر –دهۆک داخرا
تەقینەوەیەک لە کەرکوک ڕویدا
فڕۆکەخانەی سلێمانی ڕونکردنەوەیەکی بڵاوکردەوە
ڕێبوار تاڵەبانی پۆستی پارێزگاری کەرکوک ئیستیحقاقی پارتیە
موچەی فەرمانبەران و پێشمەرگە لەدەرەوەی دۆسیەی نەوت جێگیرکرا
سلێمانی: سێ كەس بەتۆمەتی تەقەكردن لە پزیشكێك دەستگیركران

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە