شازاده‌ی سعوودیه‌ فه‌رمانی كوشتنی خاشوقچی ده‌ركردووه‌
PM:01:13---18-11-2018
ئه‌م بابه‌ته 1831 جار خوێنراوه‌ته‌وه‌‌
لڤین:
بوب كرۆكه‌ر، سه‌رۆكی لێژنه‌ی په‌یوه‌ندییه‌كانی ده‌ره‌وه‌ له‌ ئه‌نجوومه‌نی پیرانی ئه‌مه‌ریكا دووپاتیكرده‌وه‌، محه‌مه‌د بن سه‌لمان، شازاده‌ی جێنشینی سعوودیه‌ فه‌رمانی كوشتنی جه‌مال خاشوقچی، رۆژنامه‌نووسی سعوودی ده‌ركردووه‌ و داواشی له‌ دۆناڵد تره‌مپ، سه‌رۆكی ئه‌مه‌ریكا كرد، به‌رله‌وه‌ی ئه‌نجامده‌رانی ئه‌و تاوانه‌ له‌سێداره‌ بدرێن، فریای ئه‌و كه‌یسه‌ بكه‌وێت.

كرۆكه‌ر له‌ تویتێكدا له‌ هه‌ژماری تایبه‌تی خۆی له‌ تۆڕی كۆمه‌ڵایه‌تی تویته‌ر بڵاویكرده‌وه‌"هه‌موو ئاماژه‌كان به‌و لایه‌دان كه‌ محه‌مه‌د بن سه‌لمان، شازاده‌ی جێنشینی سعوودیه‌ فه‌رمانی كوشتنی خاشوقچی ده‌ركردووه‌".

سه‌رۆكی لێژنه‌ی په‌یوه‌ندییه‌كانی ده‌ره‌وه‌ی ئه‌نجوومه‌نی پیران جه‌ختی كرده‌وه‌"به‌ر له‌وه‌ی محه‌مه‌د بن سه‌لمان بكوژانی خاشوقچی له‌سێداره‌ بدات، پێویسته‌ ئیداره‌ی ئه‌مه‌ریكا به‌رپرسیارێتی ئه‌و تاوانه‌ به‌وردی و به‌ پشتبه‌ستن به‌ به‌ڵگه‌كان ده‌ستنیشان بكات، چونكه‌ هیچ گومانی تێدا نییه‌، ئه‌نجامده‌رانی ئه‌و تاوانه‌ به‌هه‌موو پێوه‌رێك فه‌رمانه‌كانی بن سه‌لمان جێبه‌جێ ده‌كه‌ن".

ئه‌مه‌ دوای ئه‌وه‌ هاتووه‌، شه‌وی رابردووش چه‌ندین سه‌رچاوه‌ی میدیایی جیهانی له‌ سه‌رووی هه‌مووشیانه‌وه‌ "واشنتۆن پۆست و ئاژانسی هه‌واڵده‌ری رۆیته‌رز" بڵاویانكرده‌وه‌، ئاژانسی هه‌واڵگه‌ری ناوه‌ندی ئه‌مه‌ریكا گه‌یشتووه‌ته‌ ئه‌و راستیه‌ی، محه‌مه‌د بن سه‌لمان، شازاده‌ی جێنشینی سعوودیه‌ تۆمه‌تباری یه‌كه‌می ئه‌و كه‌یسه‌یه‌ و له‌ 2ی ئوكتۆبه‌ر فه‌رمانی كوشتنی جه‌مال خاشوقچی له‌ كونسۆڵخانه‌ی وڵاته‌كه‌ی له‌ ئیسته‌نبوڵ ده‌ركردووه‌.



ئەمریکا دوای کشانەوەی ٤٠٠ سەرباز لە سوریا دەهێڵێتەوە
پۆتین:ئەمریکا دەکەینە ئامانج ئەگەر چەکی ناوەکەی لەسنورەکانی ڕوسیا جێگیر بکات
میسر:لە تەقینەوەیەکدا شەش کەس بونە قوربانی
سەرکردەی گشتی هەسەدە:داوامان کردوە بەشێکی ‌هێزەکانی هاوپەیمانان دوای کشانەوەی ئەمریکا بمێننەوە
بیناڵی یەڵدرم دەستی لە پۆستەکەی کێشایەوە
ترەمپ:ڕاپۆرتەکانی دەزگای هەوڵگریم بۆ گرنگ نیە،من متمانە بەسەرۆک پۆتین دەکەم
پوتن: پێویسته‌ ئه‌مه‌ریكا له‌ سوریا بچێته‌ ده‌ره‌وه‌
ترەمپ داوایەك لە وڵاتانی ئەوڕوپا دەكات
فەرماندەی هێزەکانی ئەمریکا:دوای کشانەوەمان لە سوریا پێویستە پستیوانیەکانمان بۆ شەڕڤانان بەردەوام بێ
لەسوچی سەرۆکانی ڕوسیا ،تورکیا و ئێران تاوتوێی دۆخی سوریا دەکەن

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە