پارتی سێ پۆستی هەستیاری ئەمنی لەكەركوك وەرگرت
PM:12:49---20-01-2019
ئه‌م بابه‌ته 3753 جار خوێنراوه‌ته‌وه‌‌
لڤین:
پارتی دیموكراتی كوردستان لە رێگەی بەغداوە سێ پۆستی هەستیاری ئەمنی لەپارێزگای كەركوك وەگرتووەو 250 ئەفسەری پارتی لەشارەكە دەوام دەكەن، بەرپرسێكیش ئاشكرای دەكات ئەو پۆستانە لە رێگەی بەغداوە بەپارتی دراون.

بەپێی زانیاری دەست ژیان كەوتوە پارتی دیموكراتی كوردستان سێ پۆستی هەستیاری ئەمنی شاری كەركوكی لەرێگەی بەغداوە  پێدراوە، كە ئەوانیش بەڕێوەبەری بەڕێوەبەرایەتی نەهێشتنی ماددە هۆشبەرەكانی كەركوك، جێگری بەرپرسی پۆلیسی كەركوك¬و بەڕێوەبەری ژمێریاری  پۆلیسی پارێزگای كەركوكن. 

بەرپرسێكی پارێزگای كەركوك بۆ ژیان ئاشكرای كرد كە پارتی دیموكراتی كوردستان ئەو ئەفسەرەی كە پۆستی بەڕێوەبەری ژمێریاری پۆلیسی كەركوكی وەرگرتووە، ناوی (م،ن)و پلەی عەقیدە، لەساڵی 2013 لەسەر گەندەڵی لەو پۆستە دەركرابوو.

هەروەها ئەو كەسەی پۆستی بەڕێوەبەری بەرەنگاربوونەوەی ماددەهۆشبەرەكانی وەرگرتووە، ناوی( ه، ش، شر) پلەی عەقیدەو برازای شێخ جەعفەری پارێزگاری پێشوتری سلێمانی(سەردەمی رژێمی بەعس)ە.

ئەو بەرپرسەی بەرلەماوەیەك  پۆستی جێگری بەڕێوەبەری  پۆلیسی كەركوكو بەڕێوەبەرەی خزمەتگوزاری پۆلیسی كەركوكی وەرگرت ناوە(س، ج)ە پلەی عەقیدە.

ژیان زانیویەتی لەدوای كاردانەوەكانی ریفراندۆم و 16ی ئۆكتۆبەر 250 ئەفسەری پارتی دیموكرات لەناو دامودەزگا حكومیەكانی عێراق لەكەركوك دەوام دەكەن كەپلەكانیان لەنەقیبەوە دەست پێدەكات بۆ عەمیدو بەرپرسیاریەتی حزبشیان لەناو پارتی هەیە، هەروەها پێشتر لەئاسایش و پاراستنی پارتی بەرپرسیارەتیان هەبووە.

بەپێی هەمان سەرچاوە پارتی لەنێوان پۆستەكانی پۆلیسی كەركوك چەندین هەیە لەوانە، بەڕێوەبەری بنكەی پۆلیسی قەرەهەنجیر، بەڕێوەبەری جموجۆڵەكانی پۆلیسی كەركوك، بەڕێوەبەری میرەی كەركوك، بەڕێوەبەری jccی كوركوك، بەڕێوەبەری بنكەی پۆلیسی حەتین، بەڕێوەبەری پۆلیسی مامە، ئەمە جگە لەلێپرسراوی  چەندین بەش لەناو بەڕێوەبەرایەتی پۆلیسی كەركوك، هاوكات بەڕێوەبەری پۆلیسی ئاماددە لە هەردوو بنكەی پۆلیسی عەرەفەو ئازادی لە كەركوك.

بوونی ئەو هەموو پۆستە ئەمنیانە لای كادیرانی پارتی لە كەركوك لە كاتێكدایە پارتی دیموكراتی كوردستان لە دوای كاردانەوەكانی ریفراندۆم و 16ی ئۆكۆتۆبەر بەردەوام پارتی لە رێگەی بەرپرسی یەكەمی حزبەكەو میدیاكەی ئاماژە بەوەدەكات كە دۆخی كەركوك جێگیرنییە و ئامادەنین بگەڕێنەوە شارەكە تاوەكو دۆخەكە ئاسایی نەبێتەوە و داواش لە خەڵك دەكەن نەگەڕێنەوە شارەكە.




خاوه‌ن خانو و شوقه‌كانی وه‌رین سیتی داوایەک ئاڕاستەی حکومەت دەکەن
کەش و هەوای سبەینێ بەم شێوەیە دەبێت
جەلال جەوهەر: گۆران فاكتەری چارەسەر دەبێت
هۆشیار عه‌بدوڵا: عەبادی بەشێك لەموچەی فەرمانبەرانی هەرێمی بۆ بەدەستهێنانەوەی ویلایەتی دووەم خەرج كرد
مامۆستایەكی زانكۆی سۆران لە نێجیریا كوژرا
دامەزرێنەرێکی نەوەی نوێ: نەوەی نوێ‌ بە تەواوی بووە بە دوو باڵ، باڵی شاسوار‌و باڵی رابون
سەركردەیەكی پارتی: ئێمە‌و كۆمەڵ هیچ خاڵێكی هاوبەشمان نەبوە
ئیلام: رۆژنامەنوسێكی كورد زیندانی دەكرێت
په‌رله‌مانی ئه‌وروپا سزای تۆڕه‌ كۆمه‌ڵایه‌تییه‌كان ده‌دات
لە چەند پەیجێکی فەیس بووک و ژمارەیەک سایتەوە هێرش بۆ سەر پەرلەمانتارەکانی نەوەی نوێ دەستی پێکرد

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە