شەپۆلێکی دیکەی بەفر و باران ڕو لەهەرێمی کوردستان دەکات
PM:02:19---24-01-2019
ئه‌م بابه‌ته 491 جار خوێنراوه‌ته‌وه‌‌
بەڕێوەبەرایەتی کەشناسی و بومەلەرزەزانی هەریم پێشبینیەکانی کەش و هەوای بڵاو کردەوە و ڕایگەیاند ، لەبەرەبەیانی سبەینێوە شەپۆلێکی دیکەی بەفر و باران بارین ڕو لەهەرێم دەکات.

بەپێی پێشبینیەکانی کەشناسی هەرێم ،بەرەبەیانی سبەینێ هەینی ٢٥/١/٢٠١٩ لەکاتەکانی بەرەبەیاندا ناسەقامگیریەکی کەشوهەوا روو لە ناوچەکانی هەرێم دەکات و ئەگەر هەیە بەفر و بارانبارین لە ناوچە شاخاوییەکان دەستپێبکات،و دەشڵێ کاریگەریەکانی ئەو شەپۆلە لە پاشنیوەڕۆی هەمان ڕۆژ لاواز دەبێت.

هەروەها لەڕاگەیەنراوەکەی کەشناسیدا هاتوە ، قۆناغی دووەمی ئەم شەپۆلە لە شەوی شەممە لەسەر یەکشەممەی هەفتەی داهاتوو، چالاك دەبێتەوە و ڕۆژی سێشەممە کۆتایی دێت، ئەگەری بارانی بەلێزمە دەبێت و بەفریش لە شاخە بەرزەکان دەبێت.

کەشناسی هەرێم پێشبینی هاتنی بارستە هەوایەكی لە ناوچەکانی باشوری ڕۆژئاوای عێراق کردووە، کە دەبێتەهۆی بەرزبوونەوەی تۆز و خۆڵ و لەگەڵ بارانبارین تێکەڵ دەبێت و لە شەوی سێشەممەی هەفتەی داهاتوو کۆتایی بە تەواوی ئەم کاریگەریانە دێت.

پلەکانی گەرماش بۆ ئەمڕۆ و سبەینێ بەمجۆرە دەبێت:

ئەمڕۆ بەرزترین پلەی گەرما لە ھەولێر ١٧ پلە و نزمترین ٥ پلە دەبێت، ھەروەھا لە سلێمانی ١٥ پلە بە ١ پلە دەبێت، دھۆک ١٤ بە ٤ پلە دەبێت، کەرکوک ١٩ بە ٥ پلە دەبێت.

هەروەها سبەی هەینی، بەرزترین پلەی گەرما لە ھەولێر ١٥ پلە و نزمترین ٥ پلە دەبێت، ھەروەھا لە سلێمانی ١٣ پلە بە ١ پلە دەبێت، دھۆک ١٢ بە ٣ پلە دەبێت، کەرکوک ١٧ پلە بە ٥ پلە دەبێت.




لێدوان بۆ دەزگاکانی ڕاگەیاندن لە بەرپرسانی یەکێتی قەدەغە دەکرێت
بەرپرسێکی یەکێتی:ئێمە و پارتی مەحکومین بەوەی ڕێکبکەوین
بەرپرسێکی ئەمنی پارتی لەکەرکوک دەستگیرکرا
پێشبینیەکانی کەش و هەوای ئەمڕۆ و سبەینێ
بەڕێوەبەری ناحیەی تەق تەق هۆشدار دەداتە دانیشتوانی ناحیەکە
هەولێکی مەسعود بارزانی شکستی هێنا
یەکێتی جەعفەر شێخ مستەفا دەستکراوە دەکات
یەکێتی پەیامێکی توند ئاڕاستەی بزوتنەوەی گۆران دەکات
کاندیدێکی پارتی بوبە سەرۆکی پەرلەمان
کۆبونەوەی پەرلەمان دەستیپێکرد

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە