دواین زانیاری له‌سه‌ر كه‌یسی سێوان قادر ئاشكرا ده‌كرێت
PM:07:11---16-03-2019
ئه‌م بابه‌ته 4723 جار خوێنراوه‌ته‌وه‌‌
لڤین:
دوای ئەوەی مانگی 12ی ساڵی رابردوو دایكێك و سێ منداڵی لە قەزای چەمچەماڵ لە روداوێكی ئاگركەوتنەوەدا گیانیان لەدەستدا، لێكۆڵینەوەكان تا ئێستا بەردەوامن و قائیمقامی قەزاكەش ئاشكرای ده‌كات، كەیسی سێوان لە چەمچەماڵەوە گواستراوەتەوە بۆ دادگای یەكی سلێمانی.

رەمك رەمەزان قائیمقامی چەمچەماڵ لەبارەی پێشهاتەكانی ئەو كەیسە رایگەیاند : بنەماڵەی سێوان داوایانكرد كەیسەكە لە دادگای چەمچەماڵەوە بگوازرێتەوە بۆ یەكێك لە دادگاكانی سلێمانی، دوای ئەوەش ئەنجومەنی دادوەری بە تایبەت دادگای تەمییز، رەزامەندیان دەربڕی و بە نوسراوی فەرمی كەیسەكە لە هەفتەی رابردوەوە گواستراوەتەوە بۆ دادگای یەكی سلێمانی و بۆ ئەو مەبەستە سەرجەم پەڕاوەكانی دۆسیەكە رەوانە كراون و بنكەی پۆلیسی ئەزمڕ لەو روەوە لێكۆڵینەوەی دەستپێكردوە".

ئەوەشی ئاشكرا كرد، لەسەر داوای كۆمەڵێك رێكخراو و بەڕێوەبەری گشتی بەرەنگاربونەوەی توندوتیژیی خێزانی لە وەزارەتی ناوخۆ داوا لە وەزیری ناوخۆ كرا لیژنەیەكی تایبەت پێكبێت، كە بەڕێوەبەری بەرەنگاربونەوەی توندوتیژی خێزانیی سلێمانی و ئەفسەری لێكۆڵینەوە لە بنكەی پۆلیسی چەمچەماڵ و ئەفسەری نوسینگەی بەرەنگاربونەوەی توندوتیژی خێزانی چەمچەماڵ تێیدا لێكۆڵینەوە دەكەن".

قایمقامی چەمچەماڵ زانیاری زیاتری بۆرادیۆی نەوا ئاشكرا كردوە و رایگەیاند ، ئەوەی تا ئێستا لەسەر كەیسەكە دەستبەسەرە، هاوسەری سێوان و ئافرەتەكەی دراوسێیانە، كە دایكی سێوان لەسەر ئەو ژنە سكاڵای هەبوو.

جێگەی ئاماژەیە، شەوی 16-12-2018، لە روداوێكی ئاگركەوتنەوەدا سێ منداڵ گیانیان لەدەستدا و دوای هەفتەیەك مانەوەش لە نەخۆشخانە، دایكی ئەو منداڵانە بە ناوی سێوان قادر بەهۆی سەختی سوتانەكەیەوە لە نەخۆشخانەی ئیمێرجینسی سلێمانی گیانی لەدەستدا.



خاوه‌ن خانو و شوقه‌كانی وه‌رین سیتی داوایەک ئاڕاستەی حکومەت دەکەن
کەش و هەوای سبەینێ بەم شێوەیە دەبێت
جەلال جەوهەر: گۆران فاكتەری چارەسەر دەبێت
هۆشیار عه‌بدوڵا: عەبادی بەشێك لەموچەی فەرمانبەرانی هەرێمی بۆ بەدەستهێنانەوەی ویلایەتی دووەم خەرج كرد
مامۆستایەكی زانكۆی سۆران لە نێجیریا كوژرا
دامەزرێنەرێکی نەوەی نوێ: نەوەی نوێ‌ بە تەواوی بووە بە دوو باڵ، باڵی شاسوار‌و باڵی رابون
سەركردەیەكی پارتی: ئێمە‌و كۆمەڵ هیچ خاڵێكی هاوبەشمان نەبوە
ئیلام: رۆژنامەنوسێكی كورد زیندانی دەكرێت
په‌رله‌مانی ئه‌وروپا سزای تۆڕه‌ كۆمه‌ڵایه‌تییه‌كان ده‌دات
لە چەند پەیجێکی فەیس بووک و ژمارەیەک سایتەوە هێرش بۆ سەر پەرلەمانتارەکانی نەوەی نوێ دەستی پێکرد

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە