منبەج ، بۆچی گرنگە؟!
PM:01:08---11-06-2016
ئه‌م بابه‌ته 41501 جار خوێنراوه‌ته‌وه‌‌
لڤین : نیاز حەمید

منبەج ، شارێکی تەعریبکراوی رۆژئاڤایە لە ٥٠٪ زیاتری کوردن ، بەریز ساڵح موسلم لەیەکێ لە لێدوانەکانی باسی لێوەکرد .

منبەج ، دووەم شاری گەورەیە لە دوای حەلەب ، لە ٢٠١٢ ژمارەی دانیشتوانی ١٥٠ هەزار کەس بووە ، پێگەی چوگرافیای گرنگی هەیە ، شارێکی پڕ لە ئاسەوار و ئەشکەوتی دیرۆکییە.

لێرە مەبەست لەم پۆستەماندا باسکردن نییە لە گرنگی منبەج لە رووی جوگرافیا و مێژوو وە ، بەڵکو دەمانەوێت گرنگی منبەج لە رووی ستراتیژیەوە بۆ رۆژئاڤا بە کورتی بخەمەڕوو:

١- منبەج بۆ رۆژئاڤا دەبێتە ئەلقەی پێکەوەگرێدانی کانتۆنەکان کە ئەمەش بۆ جاردانی وەک هەرێمێکی سەربەخۆ لە سوریای فیدرالێ گرنگە.

٢-منبەج و عەفرین دوو قوڵایی ستراتیژین بۆ شاری حەلەب کە رێژەیەکی زۆر کوردی تیدادەژییت.دیارە ئەم بڕگەیە پێویست بە تەفاسیل زۆرە بەڵام لەو پۆستە کورتە جێگای نابێتەوە.

٣- قوڵایی ستراتیژیشە بۆ باکوری کوردستان و حەلەب کە شارێکی پیشەسازی گەورەی سوریایە.

٤- منبەج وێرای ئەوەی کە جێگای گرنگ بوو بۆ داعش لە رووی سەربازی و لۆجستی بۆ پایتەختەکەیان لە رەقە ، بۆ باکوری حەلەبیش گرنگ بوو ، دەکرێت بە رزگارکردنی ، داعش تەواو بە هیزێکی تەواو پارچە پارچە بوو و گەمارۆدراو وەسفی بکەین .

٥- لەوانەش گرنگتر ، زۆر زیاتر لە داعش ، دەوڵەتی تیرۆریستی ئاکپارتی زیان دەبینێت ، بە گوێرەی هەندێ سەرچاوەی تایبەت ، گەمارۆدانی تەواوی شارەکە لە لایەن هێزەکانی سوریای دیموکراتی بۆ دوو هۆکاری سەرەکی دەگەڕێنرێتەوە:

٥-١- ئەوە هیچ تورکیا دادەبرێت لە باکوری حەلەب ورەقە ، لێ بوونی هێزێکی تایبەت و ئاشکرابوونی گرنگە ،ئەم هیزە ناسراون بەسوپای تایبەت، ئەو سوپایە کە لە زەمەنی تانسۆ چیلەر دورستکراوە، رەسمی نین لە دەوڵەت ، سەربازەکانی لە مندالانی هەتیو بێ دایک وباوک پێکدێن و ئەوانە بە گرێبەست بۆ ١٠ ساڵ یا ٢٠ ساڵ دەبنە سەرباز ، لە دلرەقترین و هۆڤیترین هیز پێکدێن، ئەو هیزە لە منبەج و جەرابلوس بە جێکراون ، پێشکەوتنەخوارەوەی فرۆکەکەی روسیا ، روسیا گورزێکی باشی لەو هیزە دا لە جەرابلوس.

شەرڤانان کە دەیانەوێت منبەج گەمارۆ بدەن ، بۆ ئەوەیانە ئەو هیزە هیچیان بەسەلامەت لێی دەرنەچن ، ئەو هێزە باڵی بە هێزی داعش پێکدەهێنێت ، ئەوانە تایبەتمەندن بە سەربڕین وکوشتن وشوتاندن و دەستدرێژیکردنە سەر ژنان، ئەوانە نەواتی داعشن ، لە نمونەی فیدائی سەددامن ، هەروەک ئاشکرایە بەغدادی ، گەورەتیرۆریست دەرچووی هەمان خوێندگای فیدایی سەددامە ، نجەیفیش یەکێکە لەوان. بۆیە گەمارۆدانی لە لایەن شەرڤانانەوە ، گرنگە بۆ تەسفییەی ئەو هێزە تایبەتە.

٥-٢- بە گێرەی سەرچاوە هەواڵییەکان ، بەشداری هێزی نوخبەی فەرەنسی لە تەک هێزەکانی ئەمەریکا و شەرڤانان لە گەمارۆدانی منبەج ، بۆ دەستگیرکردنی کۆمەڵی بەرپرسی داعشی گەورەیە یا کوستنیان کە دەستیان هەبووە لە تەقینەوەکانی پاریس و بەلچیکا ، بە دەستگیرکردنیان ، ئەگەر مابن لە ناو منبەج ، پێشکەوتنی گەورە دەبێت لە مەلەفی دۆزی تیرۆریستان لە فەرەنسا بە تایبەتی وئەوروپا بە گشتی. لە منبەج ، تیرۆریستان راهێنانیان پیکراوە و ئەردۆگان رەوانەی ئەوروپای کردوون.

لە کۆتاییدا ، دەبێت بوترێت ، منبەج گرنگی ستراتیژی بۆ هەموان هەیە ، ئەردۆگان هاروشیت بووە ، ناشتوانێت ببێتە رزگاریکەری داعش لەو شارە و، خۆی وەک بێدەسەڵاتێک دەبینێت ، بۆیە دەیبینین هەر رۆژێ قسەیەک دەکات تەسریحێک دەدات.

لە ئانوساتدایە بۆ دەستپێکردن بۆ کۆنترۆلکردنی تەواوی شارەکە ، شەرڤانان بە ئاراستەی رۆژئاوا بۆ نزیک بونەوە لە کانتۆنی عەفرین هەنگاوی جێگیر دەهاوێن.





مەلایەکى سلێمانى پێکهاتە ئاینیەکانی دیكه‌ لەمزگەوتەکەیدا کۆدەکاتەوە
خانه‌واده‌یه‌كی كریستیان 70 ساڵه‌ گۆڕی كۆنترین پێغه‌مبه‌ری جووه‌كان له عێراق ده‌پارێزن
دەستتێوەردانی حکومەتی فیدراڵ لەکاروباری ناوخۆیی هەرێمدا
كوا خوێنی شەهید قەڵەم سۆرانی مامە حەمە؟
منبەج ، بۆچی گرنگە؟!
سەلاحەدین بەهادین دەگەڕێتەوە
موحافیزكاران و ریفۆرمخوازان لە هەڵبژاردنەكانی ئێراندا
غرووری پارتی دەشكێت، یان سیحری گۆڕان بەتاڵ دەبێتەوە؟
ڕۆشنبیرانی ”بەیعە“گەر
دەربارەی بەیاننامەی ٢٢٥٠ ڕۆشنبیرەکە
قیڕەقیڕی عەلمانیەت و دین لە کوردستاندا

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە