نوێنه‌ری حكومه‌تی هه‌رێم: په‌یوه‌ندیمان له‌گه‌ڵ ئه‌مریكا به‌هێزبوه‌ته‌وه‌
PM:01:31---23-01-2019
ئه‌م بابه‌ته 632 جار خوێنراوه‌ته‌وه‌‌
لڤین:
نوێنه‌ری حكومه‌تی هه‌رێمی كوردستان له‌ ئه‌مریكا ده‌ڵێت "واشنتۆن ناتوانێت بیر له‌ خۆرهه‌ڵاتی ناوه‌ڕاست بكاته‌وه‌ به‌بێ ره‌چاوكردنی كورد".

به‌یان سامی عه‌بدولڕه‌حمان نوێنه‌ری حكومه‌تی هه‌رێمی كوردستان له‌ ئه‌مریكا بۆ میدیای فه‌رمی پارتی  وتویه‌تی "په‌یوه‌ندییه‌كانی نێوان هه‌رێمی كوردستان و ویلایه‌ته‌ یه‌كگرتووه‌كان پته‌و و قوڵه‌ و رۆژ له‌دوای رۆژ به‌هێزتریش ده‌بێت، راسته‌ ویلایه‌ته‌ یه‌كگرتووه‌كان له‌گه‌ڵ ریفراندۆم و كاته‌كه‌ی نه‌بو و په‌یوه‌ندیی نێوان هه‌ردوولاش هه‌ندێك ساردی تێ كه‌وت، به‌ڵام ئێستا ئه‌و په‌یوه‌ندییه‌ مێژووییه‌ به‌هێزه‌ی هه‌مانبوو له‌گه‌ڵ ویلایه‌ته‌ یه‌كگرتووه‌كانی ئه‌مریكا، توانیویه‌تی زاڵ بێت به‌سه‌ر ئه‌و ناته‌باییه‌ی رووی دا و دیسانه‌وه‌ په‌یوه‌ندیمان به‌هێزبوه‌ته‌وه‌".

وتیشی "پێموایه‌ ئه‌مریكا ناتوانێت بیر له‌ خۆرهه‌ڵاتی ناوه‌ڕاست بكاته‌وه‌ به‌بێ ره‌چاوكردنی كورد، ئه‌مه‌ بۆ عیراقیش راسته‌".

ده‌رباره‌ی دروستكردنی كونسوڵخانه‌ی نوێی ئه‌مریكا له‌ هه‌ولێر، به‌و روبه‌ره‌ی، كه‌ له‌ خۆرهه‌ڵاتی ناوه‌ڕاستدا وێنه‌ی نییه‌، به‌یان سامی عه‌بدولڕه‌حمان ده‌ڵێت "باڵیۆزخانه‌كان سیمبولی وڵاته‌كانیانن، بێگومان تا بینایه‌كه‌ گه‌وره‌تر و به‌رچاوتربێت وا باوه‌ ره‌نگدانه‌وه‌ی پڕبایه‌خی په‌یوه‌ندیی نێوان ئه‌و دوو وڵاته‌ بێت، بۆیه‌ پێمان سه‌یر نییه‌ گه‌وره‌ترین باڵیۆزخانه‌ی ئه‌مریكا له‌ جیهان ئه‌وه‌ی به‌غدا بێت و گه‌وره‌ترین كونسوڵخانه‌شیان له‌ هه‌ولێر بێت، بۆیه‌ پێموایه‌ ئه‌وه‌ ره‌نگدانه‌وه‌ی بیركردنه‌وه‌ی ئه‌مریكایه‌ سه‌باره‌ت به‌ عیراق و هه‌رێمی كوردستانیش". 



خاوه‌ن خانو و شوقه‌كانی وه‌رین سیتی داوایەک ئاڕاستەی حکومەت دەکەن
کەش و هەوای سبەینێ بەم شێوەیە دەبێت
جەلال جەوهەر: گۆران فاكتەری چارەسەر دەبێت
هۆشیار عه‌بدوڵا: عەبادی بەشێك لەموچەی فەرمانبەرانی هەرێمی بۆ بەدەستهێنانەوەی ویلایەتی دووەم خەرج كرد
مامۆستایەكی زانكۆی سۆران لە نێجیریا كوژرا
دامەزرێنەرێکی نەوەی نوێ: نەوەی نوێ‌ بە تەواوی بووە بە دوو باڵ، باڵی شاسوار‌و باڵی رابون
سەركردەیەكی پارتی: ئێمە‌و كۆمەڵ هیچ خاڵێكی هاوبەشمان نەبوە
ئیلام: رۆژنامەنوسێكی كورد زیندانی دەكرێت
په‌رله‌مانی ئه‌وروپا سزای تۆڕه‌ كۆمه‌ڵایه‌تییه‌كان ده‌دات
لە چەند پەیجێکی فەیس بووک و ژمارەیەک سایتەوە هێرش بۆ سەر پەرلەمانتارەکانی نەوەی نوێ دەستی پێکرد

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە