مەلابەختیار وكارەبا
‎محەمەد نوری ئەحمەد
PM:07:38---25-11-2017
ئه‌م بابه‌ته 5183 جار خوێنراوه‌ته‌وه‌‌

*درۆزن تەنھا ئەو کەسە نییە کە توانای درۆکردنی ھەبێت، بەڵکو حەز وئارەزووی لە درۆكردنیش هەیە
-ئەرستۆ-
…..
لەوەرزی زستاندا كاتژمێرەكانی كارەبای نیشتیمانیی كەمدەكاتەوە ، بۆیە زۆربەی شەوان شارو ناوچەكانی كوردستان لە دوای دوانزەی شەووە دەبنە گۆڕستانێكی مات وسارد.لەگەڵ بڕینی كارەبا و كەمبوونەوەی كاتژمێرەكانی پێدانی بە هاوڵاتیان،  تانە و تەشەر و گاڵتەكردنەكان بەرەو مەلابەختیار زیاددەكات ،چونكە ئەم پیاوە بەر لە چەندین ساڵ لەمەوەبەر باسی ئەوەی كرد كە كارەبای نیشتیمانیی باشدەبێت ودەبێت چاكبكرێت. بۆیە لەگەڵ كەمكردنەوەی كارەبا باڵانسی تانە و رەخنە توندەكان لەم بەرپرسە زیاتردەكات،لەگەڵ هەر كوژاندنەوەیەكی كارەباش قورسایی ئەم پیاوەغلۆرتردەبێتەوە و لەناوبازنەی سەنگ و پێگەش  كەمترو بچوكتردەبێتەوە . بۆیە كەس وەكو ئەم پیاوە حەزناكات كارەبا باشبێت چونكە بەباشبوونی كارەبا  كەمێك خەڵك هاواری بەردەم مایكەكەی ئەمیان بیردەچێتەوە كە دەیوت كارەبا باشدەبێت.
ئەمە تەنها دەستپێكێكە بۆئەوەی راستەوخۆ بابەتێكی گرنگ بجوڵێنین ،ئەوەش قسەكردنی بەرپرسەكانی وڵاتی ئێمەیە لەسەر هەموبابەتێك بەڵام بێ ئەوەی  ئەلفی بابەتەكان بزانن، بەهەمان شێوەش بەرپرسەكانی دونیای ئێمە لەدوای راپەرینەوە ئەوەندە بەڵێنی پوچ و قسەی بریقەداریان كردەوە بۆیە هەموو رستەساختەكانیان  لەگوێماندا دەزرنگێنەوە و بەهای پولێكیان نییە .قسەكانی ئەوان و بەڵێنە ساختەكانیان هیچ هەنگاوێكیشی بەم هەرێمە نەناوە تا ژیان تێیدا جۆرێكی تر بێت .ئەم بەرپرسانە هاوشێوەی  پاڵەوانی حیكایەتی مەلەوانە درۆزنەكەیان لێهاتوە ،ئێستا ئەگەر بڵێن ماست وشیر سپییە، خەڵكانێكی زۆردەچین چێكی رەنگی ئەو دوو خواردنە دەكەنەوە ،لەبەرئەوەێ گومان لەهەموو بەڵێن وقسە و درێژداڕییەكانیان دەكەن .
لەدوای راپەرینەوە بەرپرسەكانمان هەرچۆن  دونیای سیاسەتكردن و بازرگانیكردنیان بەیەكەوە بەستەوە ، بەهەمان شێوەش راستی ودرۆیان تێكەڵ بە یەكتر كرد ،دۆخێكیان خولقاند كە كاری سیاسەت كردن ببیت بەكاری هەمیشەیی درۆ و شاردنەوەی راستی وبەڵێنی جێبەجێنەكراو .ئەم بەرپرسانە لەتەمەنی كاری سیاسییان گەیشتوونەتە قۆناغێك كە راستییەكان لایان جی نابێتەوە، ئەوان تەنها دەزانن درۆی گەورە بكەن ولەپاڵیشیدا وەك مۆمیاییەك بە كورسییەكانیانەوە بچەسپێن و ئامادەنەبن وازبهێنن ، یان شەرمی سیاسی نایانگرێت  لەپای هەمووئەو درۆیانەی كردوویانە بڕۆنەوە بۆ ماڵەكانی خۆیان.
ئەوەی لەدوای راپەرینەوە سەرنج بداتە قسە وبەڵێن ونوسینە پڕ هەڵە وتەسریحە سواوەكانی ئەم بەرپرسانە لە یەك دەقیقەدا ٢٢هەڵە و بەڵێن ووشەی بێ بنەما دەدۆزێتەوە ،لەبەرئەوەی راستبێژیی دەمێكە لەلای ئەم بەڕێزانە نەك نەماوە بەڵكو تەواو كۆتایی هاتوە،هەرچۆن مەلەوانە درۆزنەكە بەراستیش خنكا  بەڵام كەس بەهانایەوە نەچوو ،چونكە پێشوتر شالیستێكی لەدرۆكردن هەبوە،بۆیە ئەستەمە راستییەكەی بەنرخی خۆی لێهەڵبگیرێتەوە .
لەگەڵ خراپبوونی كارەبای نیشتیمانیش دۆخی راستییەكانی مەلابەختیار كزتر وخراپتردەبن ،لەگەڵ هەرتاریكییەكیش ،روناكییەك لە بەڵینە ساختەكانی ئەم بەرپرسانە دەدرێت ،بە تێپەڕبوونی رۆژەكانیش راستی ئەوروخسارانە ئاشكراتردەبن كە ٢٦ ساڵە  هەرێمیان روبەڕووی سەدان بەڵا و كارەسات وقەیران كردەوە ،كەچی هەربەردەوامن لە قسەی قەبە ولەهەموو دۆخێكیشدا وەك بەرزەكی بانان بۆی دەردەچن.







ساڵی كەوتنی حورمەتی سیاسیی
ئەگەر نەوشیروان مستەفا بگەڕێتەوە ئەم گۆڕانە دەناسێتەوە؟
بۆیە ئەمە رونەدا، با ئەمەیان بكرێت
ئایا دەسڕێتەوە؟
یەكێتی دەچێتەوە ناو یاریگاكە؟
كێ قورئانەكەی دزی؟
پێش نۆمانگ لەمەوپێش، پێكەنین بە دیار دروستكردنی دەوڵەتەوە
با هەر بمێننەوە
تەقەی جام دێت
مەلابەختیار وكارەبا
عومەر فەتاح باسی دیموكراسی كرد
ئاواتەكەی موحسن حەكیم دێتە دی، كچانی ٩ساڵ ئامادەبكەن
كامیان خەتابارە یەكێتی یان پارتی؟
چی روویدا؟
با ئەزموونەكە تێكبچێت
123

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە