ئەگەر نەوشیروان مستەفا بگەڕێتەوە ئەم گۆڕانە دەناسێتەوە؟
‎محەمەد نوری ئەحمەد
PM:12:36---08-12-2018
ئه‌م بابه‌ته 752 جار خوێنراوه‌ته‌وه‌‌

١-
لەچیرۆكی میللی ئازەریدا حیكایەتێك هەیە باس لە وڵاتێكی دوردەكات، پادشایەك بۆ ئەوەی بزانێت پاش خۆی چی روودەدا ، كوڕ و وەزیر وپیاوانی كۆشك چی لەمەملەكەت دەكەن ،بە درۆ خۆی دەكات بە مردوو ،ئەو لە لای هاوڵانی دەمرێت ،بەڵام لەراستیدا لە كوچێكی مەملكەت نیشتەجێ دەبێت و تەماشای هاوڕی ووەزیر وپیاوانی بەڵات دەكات ،چی دەبێنیت: مەملەكەتەكەی دەبێتە وێرانەیەك،پیاوانی كۆشك وهاوڵەكانی هەموو كارێك دەكەن بۆ پاراستنی بەرژەوەندیی خۆیان ،پادشای بەدرۆ مردوو لەوساتەدا بۆی دەردەكەوێت ئەوانەی لەدەوری بوون نەك هەیبەتی ئەویان نەپاراست بەڵكو لەسەر مێژووی باشی ئەو كاری نادروستیان كرد .
(خۆ چیرۆكەكە روونە و زیاتر هەڵناگرێت بۆ شیكردنەوە )

٢
گۆڕان تازە بڕیاری كۆتایی خۆی داوە كە بەهەر شێوەیەك بێت وبەهەر پۆستێك بێت بەشداریی كابینەكەی مەسرور بارزانی بكات .بۆیە ئەوەی ئێستا لە راگەیاندنەكاندا دەوترێت وباسدەكرێت بەدیوێكدا رێگاخۆشكەرە بۆ ئەوەی گۆڕان ئامادەسازیی خۆی دەكات بۆ بەشداریی لە كابینەی داهاتوو ،بە دیوەكەی تریشدا گۆڕان بەتایبەت خانەی راپەراندن بڕیاری كۆتاییان داوە كەئەبێت هەر بەشداربن .
هۆكاری بنەڕەتی وسەرەكیی بەشداری گۆڕان ناگەڕێتەوە بۆ ئەو مەبەستەی كە دەیانەوێت شكڵ وشێوازی حكومەت فرە رەنگ بكەن و گۆڕانكاریی ئیداریی تێیدا بكەن ،چونكە دڵنیان بە ١٢كورسییەوە دەنگیان نە سەدای هەیە نە قورسایی ،بەڵكو ئامانجی سەرەكی گۆڕان بۆ بەشداری لەم كابینەیەدا تەنها ئەجندایەكی سیاسیی تەواو لە خزمەت خانەی راپەراندندایە و بەس .لەبەرئەوەی ئەم خانەیە لەوە دڵنیان كە لەرووی دەنگ وپێگەوە شكستیان بە گۆڕان هێناوە ،دڵنیاتریشن لەوەی لەبەردەم كەوتن و شكستی گەورەتردان ،بۆیە بەشدارییان لەم كابینەیە تەنها ئامانج لێی خۆدەربازكردنی خۆیانە لەبازنەی كەوتنە گەورەكە .
ئێستا بەهۆی هەڵەی سیاسیی خانەی راپەراندنی ئەم بزوتنەوەیە لە جیاتی ئەوەی حزبێك بێت هێزە سیاسییەكانی ترلە هەڵوێست وبڕیارەكانی سڵبكەنەوە(وەك پێشتر) ،بەپێچەوانەوە گۆڕان بووەتە سێبەرو هیچ بەهایەك بۆ هەڵوێستەكانی نەماوە ،تەنانەت هیچ ئەجندایەكی گەورەی نییە كە جوڵە بە دۆخی سیاسیی بكات ،(قسە باوەكەی ناوكۆمەڵگای خۆمان ئێستا بەتەواوەتی بەسەر خانەی راپەراندنی ئەم بزوتنەوەیەدا دەچەسپێت :سوراحییەك ئاویش بخۆنەوە كەس پییان ناڵێت عافێتان بێت ).
لە ئێستادا گۆڕان لە دۆخی هەڵپەدایە بۆ ئەوەی تازووە ئەم كابینەیە تەشكیلبێت ،ئەمەش لە پێناو دوو ئامانج ،هەم بۆ ئەوەی كۆمەڵێك لە هاوەڵانی خانەی راپەڕاندن بخاتە ناو حكومەتەوە ، هەمیش بەشێوەیەكی تر رێككەوتنامەی خۆی وپارتی تۆخبكاتەوە ونیەت باشی خۆی بۆ پارتی دەربخات .
وەسفكردنی كاندیدی پارتی بۆ سەرۆكایەتی حكومەت ئەگەر چی بەشێوەیەكی نافەرمییەشە بەڵام دەرخەریی ئەوەیە كە گۆڕان بە دەست وقاچەوە كەوتوەتە ناو ئەجندایەك كە دەیەوێت بۆ مانەوەی دەستەیەكی كەم هەموو بەڵێییەك بە شێوەیەكی ناراستەوخۆ بۆ پارتی بكات . 
گۆڕان نەك بوێرنەبوو بەڵكو شەرمنانە تەماشای ئەو هەنگاوە خەتەرەی پارتی كرد ، كە دەیەوێت سیستەمێكی تەواو خێزانیی لە حكومڕانیدا پەیرەو بكات و هاوشێوەی مەملەكەتەكانی كەنداو، كوڕ شەرعیەت لەباوكەوە وەربگرێت و ئامۆزاكانیش بەشداربن لە كێكەكانی دەسەڵات وگرێبەستەكانی نەوت ،یان كورتر : كوڕانی یەك دێی چەپەك تەحەكوم بە هەموو كوردستانەوە بكەن . (ئەرێ پرسیارێكی سادە :گۆڕان بیرچووە كە لەسەرەتای دامەزراندییەوە لەسەر ئەو رستەیە كاری دەكرد كە بەتەواوەتی دژی بەبنەماڵەكردنی حزب و دەسەڵات وحكومڕانییە ،یان ئەم شارستەیە لە دوای مردنی كاكە نەوە ، لەناوبەرنامەی گۆڕانیشدا سڕایەوە؟ )
لەدوای ئەم بێ دەنگییە شەرمنانەی ئەم بزوتنەوەیە ئیترپاساو بۆ ئەو دێڕە نامێنیتەوە كە دەوترێت :خەڵك لە گۆڕان ساردبووەتەوە بێ ئومێدبووە لەوەی كە بتوانن هەنگاوی سیاسیی بنێن ، لەبەرئەوەی بەر لەهەموو لایەنێك ئەوەی گۆڕانی خستە ناو دوڵێكی پڕ مەترسیی وبێ داهاتوو ،ئەوە حزبەكانی تر نەبوون بەڵكو ئەو دەستەیە بوون كە ئێستا جڵەوی ئەم بزوتنەوەیان بەدەستەوەیە ولە ناو بازنەی بەرژەوەندی خۆیانەوە هەموو هەنگاوێكی هەڵە بە گۆڕان دەنێن .
هەڵسوڕاوێكی دیاری گۆڕان دەڵێت:ترسمان هەیە لەسەردەستی ئەم چەند ناوەی خانەی راپەراندن فووی كۆتایی لە مۆمی گۆڕان بكرێت .
بۆیە بە گریمانەش بێت دەبێت هەموو گۆڕانخوازێك ئەو پرسیارە رووبەڕووی خۆی بكاتەوە :ئەگەر كاك نەوشیروان بەدەم جگەرەیەكی رۆزمانەوە سەرێك لە گردەكە بداتەوە ، لەهەڵوێستی ئێستای هاوڕێیەكانی وردبێتەوە ،ئاخۆ چی بڵێت ؟





ساڵی كەوتنی حورمەتی سیاسیی
ئەگەر نەوشیروان مستەفا بگەڕێتەوە ئەم گۆڕانە دەناسێتەوە؟
بۆیە ئەمە رونەدا، با ئەمەیان بكرێت
ئایا دەسڕێتەوە؟
یەكێتی دەچێتەوە ناو یاریگاكە؟
كێ قورئانەكەی دزی؟
پێش نۆمانگ لەمەوپێش، پێكەنین بە دیار دروستكردنی دەوڵەتەوە
با هەر بمێننەوە
تەقەی جام دێت
مەلابەختیار وكارەبا
عومەر فەتاح باسی دیموكراسی كرد
ئاواتەكەی موحسن حەكیم دێتە دی، كچانی ٩ساڵ ئامادەبكەن
كامیان خەتابارە یەكێتی یان پارتی؟
چی روویدا؟
با ئەزموونەكە تێكبچێت
123

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە