ساڵی كەوتنی حورمەتی سیاسیی
‎محەمەد نوری ئەحمەد
PM:01:25---01-01-2019
ئه‌م بابه‌ته 645 جار خوێنراوه‌ته‌وه‌‌

لەماڵئاوایی كردن لەساڵی ٢٠٠٠ رۆماننوسی عەرەب ئەحلام مستەغانی دەنوسێت:ساڵانی بەڵا و نەمانی مانا و شكاندنی رێز وكەوتنی سیاسییەكان بوو .
رەنگە ئێستاش هەمان رستە بەسەر ئەم ساڵەی كە تێمان پەڕاند جی بەجێ بێت .ساڵی كەوتنی بەهای دەنگ و نەمانی ماناكانی هەڵبژاردن بوو ،ساڵی سڕینەوەی یەكتر و شكاندنی هەنگاوەكانی چاكردنی كۆمەڵگا بوو .
ساڵێك بوو سیاسییەكان بەڵێنی وا بریقەداریاندا كە ئاسمانیان خستە سەر زەوی و بەهەشتیان خستە ناو ئەو گەڕەكانەی لافاو دەینبات ،كەچی لەوسەرەوە لە پێناو پۆست و پارە وكورسی شەقی گەورەیان لەناویی خۆیان هەڵدا وهەمووشتێكیان لە پێناو پۆستدا دانا ، بەڵێنەكانیش با بردی 
ساڵی كەوتنی حورمەتەكان بوو ،ساڵی بردنەوەی دەنگ بوو بۆ بەردەم قاپی سوڵتانەكانی ستەمگەر ،ساڵی سەركەوتنی هێز بوو بەسەر دیالۆگدا ،ساڵی قیرتاوكردنی رێگای سەری رەش و گردەكەی زەرەگەتە بوو ،ساڵی لە تورەكەنانی حورمەتی سیاسیی بوولەلایەن بەرهەم ساڵح و فڕێدانی بوو بۆ ناو دیجلەی پڕ پاشماوە ،ساڵی گۆڕینەوەی سندوقەكانی هەڵبژاردن بوو بە پۆستە لاوەكییەكان و ساڵی لەدەستدانی رێزی دەنگ بوو ،
ساڵی بەجێهیشتنی شەقام و تەنهاكردنی هاوڵاتیان بوو ،ساڵی دەركەوتنی مەقەباكانی كوردایەتی بوو لەبەردەم مێزەر رەشەكانی بەغدا ،ساڵی كوشتنی ژن وفڕێدانی منداڵەكان ئاسانتر لە خواردنەوەی پەرداخێك ئاو،ساڵی داڕوخانی خانوە قوڕەكان بوو بەهۆی لافاو و لەوسەریشەوە دروشمی خانوە قوڕەكان بە فۆنتێكی گەورە لەسەر تابلۆ زەبەلاحەكان هەڵواسرابوو .
ساڵی تەسیلمیكردنی دەسەڵات بوو بە كوڕە نازدارەكانی بنەماڵە ،ساڵی چەپڵەی موعارەزەكان بوو بۆ تەزویرچییەكانی حكوم ،ساڵی وەستانی ئەو هەموو ردێن سپی وپرچ سپییە بوو بۆ موچەی خانەنشینیی خۆیان ئێمەش وەك ئاسن بێ هیچ هەستێك لێمان دەڕوانین ،ساڵی گریانی خاوەن پێداویستییە تایبەتەكان و دیاریكردنی شاجوانی وڵات بوو ،ساڵی كەوتنی سیوە و منداڵەكانی بۆ ناو پێچەكانی مەرگ و ساڵی نمایشی جلوبەرگ بوو لەپایتەختی قەیران.
چ ساڵێكمان بەڕێ كرد؟ساڵی دوڕاندنی خۆمان وبردنەوەی ئەوان بوو ،ساڵی قاقای پیاوانی حوكم و شكاندنی ئێمە بوو ، ئەوان بردیانەوە ئێمەش چاوەڕێی هەواڵی موچە و كاتی پێدانی كارەباین.ئەوان ئەمساڵێش لەسەر تەختی حكومڕانیی وەك شای چیرۆكەكان دانیشتنەوە و قاسەی پڕ پارەی دزراوی ئێمەیان تەسلیم بەكوڕەنازدار و زاوا زێڕینەكانیان كرد وئێمەش لە چاوەڕێی هەرباشدەبێت خۆمان پیركرد .
ساڵیی بەناوی رێبازی نەوشیروانەوە خیانەتیان لەكاك نەوشیروان كرد ،بەناوی رێبازی تاڵەبانییەوە كەوتنە شەڕكردن بۆ پۆست بەناوی رێبازی بارزانییەوە سەری میلەتێكیان دابە بەردی رەقی كوردایەتیدا .
ساڵیی هاككردن و ساڵی بێ فەڕكردنی دیموكراسیی و ساڵی بێئومێدكردنی هەنگاوەكان بوو بۆ سبەی .ساڵی وردوخاشبونی دەنگ و پەرتەوازەیی نەخێرەكان بوو .
چ ساڵێكمان بەڕێكرد؟ زۆربەی زمان گەرمەكان گەڕانەوە لای سوڵتان ،زۆربەی قەومەچییەكانی درۆ چوونە حزوری ئایەتوڵاكان، زۆربەی توڕەییەكان بە نرخی پۆست فرۆشرانەوە بە ستەمەگەرەكانی وڵاتی نەوت .
چ ساڵێكمان تێپەڕاند ؟ مانامان بۆ هیچ مانایەك نەهێشتەوە ،بەهامان لەهەموو بەهایەك داماڵی ،خۆشمان وەك بتێك بەدیار بتە گەورەكانەوە حەپاساوین وهیچ ناكەین بە هیچ





ساڵی كەوتنی حورمەتی سیاسیی
ئەگەر نەوشیروان مستەفا بگەڕێتەوە ئەم گۆڕانە دەناسێتەوە؟
بۆیە ئەمە رونەدا، با ئەمەیان بكرێت
ئایا دەسڕێتەوە؟
یەكێتی دەچێتەوە ناو یاریگاكە؟
كێ قورئانەكەی دزی؟
پێش نۆمانگ لەمەوپێش، پێكەنین بە دیار دروستكردنی دەوڵەتەوە
با هەر بمێننەوە
تەقەی جام دێت
مەلابەختیار وكارەبا
عومەر فەتاح باسی دیموكراسی كرد
ئاواتەكەی موحسن حەكیم دێتە دی، كچانی ٩ساڵ ئامادەبكەن
كامیان خەتابارە یەكێتی یان پارتی؟
چی روویدا؟
با ئەزموونەكە تێكبچێت
123

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە