عێراق و كوردستان له‌لانكه‌ی شارستانیه‌ته‌وه‌ بۆ وڵاتی غه‌ریبان
د.حلمی ڕه‌سوڵ ڕه‌زا
PM:12:20---06-08-2018
ئه‌م بابه‌ته 677 جار خوێنراوه‌ته‌وه‌‌

عێراق و كوردستان وه‌ك دوو ناوه‌ندی شارستانی جیهانی، هه‌م زانستی شوێنه‌وارو هه‌میش زانسته‌ مرۆییه‌كانی تریش جه‌خت له‌وه‌ ده‌كه‌نه‌وه‌ پێش داهێنانی نوسین و پاش ئه‌و قۆناغه‌ش لانكه‌ پێگه‌یشتنی بیری مرۆڤ بوه‌و هه‌رچی ئه‌فسانه‌و داستان و بۆچونه‌كان هه‌یه‌ ده‌رباره‌ی دروست بوونی ژیان و چۆنیه‌تی هه‌ڵكردن له‌گه‌ڵ پێشهاته‌كانی كه‌ رووبه‌رووی مرۆڤایه‌تی بۆته‌وه‌ سه‌رچاوه‌كه‌ی له‌م وڵاته‌وه‌ بوه‌و پاشان ورده‌ ورده‌ شوێن و وڵاتانی تر زیاده‌یان خستۆته‌سه‌ر.
له‌ مێژووی پێنج هه‌زار ساڵی رابردووی عێراقدا هیچ كاتێك ئه‌و خه‌ڵكانه‌ی له‌م شوێنه‌ جوگرافیایه‌دا ژیاون و ده‌ژین ئه‌وه‌نده‌ی ئه‌م ماوه‌یه‌ له‌ مێژووی هاوچه‌رخدا دۆخیان خراپ نه‌بوه‌ له‌ هه‌موو لایه‌نه‌كانی ژیان، جا چ سیاسی بێت یان كۆمه‌ڵایه‌تی و ئابوری و رۆشنبیری. دیاره‌ هۆكاریش بۆ ئه‌م غلۆربونه‌وه‌یه‌ بۆ نزمترین ئاسته‌كانی ژیان هیچ په‌یوه‌ندییه‌كی به‌ كاره‌ساتی سروشتیه‌وه‌ نیه‌، خۆ ئه‌گه‌ر بڵێین جه‌نگه‌كانیش وڵاتی گه‌یاندۆته‌ ئه‌م ئاسته‌ ، ئه‌وا ئارگومێنتی زیندو دێته‌ به‌رچاو به‌وه‌ی وڵاتانی تریش توشی كاره‌ساتی جه‌نگیی ماڵوێرانكه‌ر بوون و هه‌ڵسانه‌وه‌.
ئه‌وه‌ی له‌ عیراقدا ده‌گوزه‌رێ له‌ مێژوودا وێنه‌ی زۆر ده‌گمه‌ن و كه‌مه‌ یاخود هه‌ر نییه‌، هۆكاری یه‌كه‌م و كۆتاییش ده‌گه‌ڕێته‌وه‌ بۆ ئه‌و كۆمه‌ڵه‌ی جڵه‌وی ده‌سه‌ڵاتیان گرتۆته‌ ده‌ست و هه‌ندێكیان به‌ناوی ئایین و هه‌نده‌كه‌ی تریشیان به‌ناوی حوكمی مه‌ده‌نیه‌ته‌وه‌ وڵاتیان به‌ره‌و كه‌ناری مه‌رگ بردوه‌، و هه‌رچی سیسته‌می نێوده‌وڵه‌تی و نه‌ته‌وه‌ یه‌كگرتوه‌كان و رۆژئاواشه‌ به‌ ئه‌ركی ئه‌خلاقی خۆیان هه‌ڵناسن به‌وه‌ی هه‌رنه‌بێ و وه‌ك سه‌ره‌تای سه‌رهه‌ڵدانی ده‌وڵه‌ته‌كانی كۆتایی حوكمی عوسمانی بیانخه‌نه‌ ژێر چاودێری خۆیان ، تا نوخبه‌یه‌كی ئیداری بتوانن جله‌وی ده‌سه‌ڵات به‌ شێوه‌یه‌كی زانستی و دوور له‌و به‌ره‌ڵاییه‌ وه‌ربگرن. هه‌رچی ئه‌و ململانێیه‌ی له‌ نێوان كوردو عه‌ره‌ب، عه‌ره‌ب و عه‌ره‌ب ده‌گوزه‌رێ جگه‌ له‌ په‌یداكردنی پاره‌و لوشدانی سه‌روه‌ت و سامانی عه‌رزو ئاسمانی ئه‌م وڵاته‌ هیچی تر نیه‌و له‌ ریزبه‌ندیه‌كاندا عێراقیان گه‌یاندۆته‌ نزمترین ئاسته‌كانی گه‌نده‌ڵی.
به‌ڵگه‌ بۆ قسه‌كانم زۆرن، له‌ ئێستادا ئه‌گه‌ر رێكخراوه‌ نێو ده‌وڵه‌تیه‌كان و وڵاتانی كاربه‌ده‌ست نێرده‌كانیان بنێرنه‌ عێراق و كوردستان و بزانن چه‌ند كه‌س ده‌یه‌وێ له‌م وڵاته‌ كۆچ بكات، بێ گومان له‌ پیاوانی ئاینی نه‌جه‌ف و كه‌ربه‌لاو حزبه‌ باڵاده‌سته‌كان له‌ عێراق و یه‌كێتی و پارتی و داروده‌سته‌كانیان كه‌سی تر نامێنێته‌وه‌ و ده‌بێته‌ مشته‌ خۆڵه‌كه‌ی كه‌ سه‌دام حوسێن باسی ده‌كرد. ئه‌م قسانه‌م له‌و راپۆرته‌ی وه‌زاره‌تی ناوخۆی ئه‌ڵمانیه‌وه‌ سه‌رچاوه‌ی گرت به‌وه‌ی هاوڵاتیانی عیراق و كوردستان بۆ چه‌نده‌مین جاره‌ پله‌ی دووه‌م تۆمار ده‌كه‌ن كه‌ داوای مافی په‌نابه‌رێتی له‌و وڵاته‌ ده‌كه‌ن له‌سه‌ر ئاستی جیهانو به‌مه‌ش كوردستان و عیراق له‌ لانكه‌ی شارستانیه‌ت و داهێنه‌ری جۆره‌كانی حوكمرانیه‌وه‌ بۆ جیهان ده‌بێته‌ وڵاتی غه‌ریبان و ته‌نها قه‌له‌ ره‌شه‌كان لێی ده‌خوێنن.






پارتی دژایه‌تی به‌رهه‌م ساڵح ده‌كات یان پۆستەکەی؟
عێراق و كوردستان له‌لانكه‌ی شارستانیه‌ته‌وه‌ بۆ وڵاتی غه‌ریبان
هه‌ره‌س هێنانی ناڕه‌زایه‌تی و خۆپیشاندانه‌كان !
كوردو شه‌رعیه‌تی نێو ده‌وڵه‌تی
بنه‌ماكانی هه‌ڵس و كه‌وتی توركیا له‌گه‌ڵ كه‌یسه‌كانی رۆژهه‌ڵاتی ناوه‌ڕاست
ئه‌مه‌ریكاو عێراق و ده‌سه‌ڵاتدارانی باشور گرنگن، یان خه‌ڵكی خۆت!!
خۆبه‌خشه‌كان وه‌ك ئامرازی هه‌ڕه‌شه‌ به‌ ده‌ستی ده‌سه‌ڵاته‌وه‌‌!
كورد ته‌نهایه‌ له‌ ملكه‌چ نه‌بوون بۆ یاسا !
شیوه‌نی مه‌لا به‌ختیار ته‌نها بۆ پارتیه‌ !
نه‌ غه‌زه‌ نه‌ لوبنان ، گیانمان به‌ فیدای ئێران دروشمه‌ به‌هێزه‌كه‌ی شۆڕش !!
نهێنی مه‌ته‌ڵی رێككه‌وتننامه‌ی ستراتیجی ماڵباته‌كان، به‌ كێ هه‌ڵدێ؟
نیو ملێون حه‌رام خۆر!
شازاده‌كانی ماڵباتی بارزانی و تاڵه‌بانی ده‌توانن چاكسازیی ده‌ستپێبكه‌ن !
چاره‌نوسی رۆژئاوا له‌ لوتكه‌ی سوتشیدا!
ئاماژه‌كانی پشت چوار لێدوانی دوژمنكارنه‌ به‌رانبه‌ر به‌ كورد له‌ یه‌ك كاتدا!
12

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە